Te Ratonga Tohu Mātauranga Māori
 |
E whakamārama ana te puka nei i ngā āhuatanga a Te Ratonga Tohu Mātauranga Māori (Ratonga Māori) tētahi o ngā wāhanga o Te Mana Tohu Mātauranga o Aotearoa (Te Mana Tohu Mātauranga).
Ko Te Mana Tohu Mātauranga te pokapū kāwanatanga e whakahaere ana i ngā tohu mātauranga ā-motu o Aotearoa.
Ko tētahi o ngā mahi a Te Mana Tohu Mātauranga, he whakahaere i te Taura Here Tohu Mātauranga o Aotearoa (Taura Here Tohu), a kei reira noho ai, ngā paerewa, ngā paerewa paetae, ngā pōkaitahi ā-motu tae atu ki ngā pōkairua ā-motu kua tohua ki reira.
I waenga i Te Mana Tohu Mātauranga, ka riro mā Te Ratonga Māori e kawe ngā paerewa me ngā tohu mātauranga ā-motu kua tohua ki te Marau Māori o te Taura Here Tohu, kei waho atu i ērā o ngā Whakahaere Whakangungu Ahumahi .
Ko tā Te Ratonga Māori he hanga, he mau tonu, ā, he whakatairanga anō hoki i ngā paerewa, ngā pōkaitahi, ngā tohu mātauranga ā-motu me ngā rauemi tautoko e hāngai ana ki te akoranga motuhake o te Māori, ā, e rite ana hoki ki ā rātau hiahia.
Ko ngā mahi tūturu ā Te Ratonga Māori ko ēnei e whai ake nei
- te hanga tohu mātauranga hou ka noho ki roto i te Marau Māori
- te arotake me te mau tonu i ngā paerewa me ngā tohu mātauranga a-motu kua tohua ki te Marau Māori
- te hanga rauemi tautoko mā ngā pouako
- te whakatairanga mohiotanga mō ngā paerewa me ngā tohu mātauranga o te Marau Māori.
Ka noho ngā tohu mātauranga o te Marau Māori i raro i ngā hātepe tohutanga mō te katoa o ngā tohu mātauranga o te Taura Here Tohu.
He aha te Marau Māori?
Ko te Marau Māori tētahi o ngā marau, wāhi ako ranei 17, kua tohua ki te Taura Here Tohu. E hāngai pū ana te Marau Māori ki te tuku akoranga Māori, te mātauranga me ngā pūkenga. E kawe ana te Marau Māori i ngā momo āhuatanga akoranga e whakaatu ana ki ngā hiahia o ngā ahumahi, ngā hāpori Māori, me ngā kaituku mātauranga kia whakaaetia te mana motuhake o ngā pūkenga te mātauranga Māori hoki.
Ko te whakaahua (kei raro) nei e whakaatu ana i te Marau Māori. Ko ngā pou o te wharenui e tohu ana ki ngā marau akoranga o te Marau Māori. Ko te Reo Māori, Tikanga, Ngā Mahi a te Whare Pora, me te Whakairo ngā kokonga e whā.
(tohua te whakahua kia whaknuia te pikitia - 386 Kb)
Mō ētahi atu kōrero mō te Marau Māori. Mō ngā kaituku mātauranga e tuku ana i ēnei akoranga, arā mā wai, ki whea, tirohia www.kiwiquals.govt.nz/index.do.
Mā wai e whakatakoto ngā paerewa?
Ma Te Ratonga Māori ngā tohu mātauranga me ngā paerewa e hanga mā te marau Māori i te taha o ngā rōpū tohutohu, e mōhiotia ana ko ngā Whakaruruhau. He tohunga, he māngai ahumahi, he pouako, ā, he kaiako tūmataiti hoki ngā tāngata o ngā Whakaruruhau nei.
He aha ngā rauemi e wātea ana?
Ka tukua e Te Ratonga Māori he kāhui o ngā rauemi aromatawai hei āwhina i ngā pouako me ngā kaiako tūmataiti i roto i a rātou mahi aromatawai mō ngā paerewa kua tohua ki te Marau Māori. Ka āhei koe ki te tirotiro, ki te tono ā-ipurangi rānei.
Mo etahi kōrero anō waea mai ki te mana tohu 04 463 3000 tono emera ranei ki te Ratonga Tohu Mātauranga Māori.
Page updated: 23 August 2005